Monthly Archives: ஜனவரி 2012

பட்டி திரும்பிய பசுக்களும் பால் குடித்த நினைவுகளும்

தரநிலை

“எழும்படா மேனை
பால்க் கோப்பியைக் குடியடா..”
அம்மம்மா உலுப்புவாள்
குளிரடங்க கிழி சாரத்துள்
உடல் குறட்டி கால் மடித்து கிடப்பேன்.
காலைக் கனவுகளைக்
கலைக்க மனதின்றிக்
படுக்கைப் பாயில்
கிடக்கும் நேரம்.

பட்டி திரும்பிய பசுக்கள்

அம்மையா கறந்த பால் அது.
ஜொலிக்கும் தங்கமென
மினுக்கிய செம்பில்
மடி தடவி
முலை பிசுக்கி நுரை தள்ள
செம்பு நிறையக்
கறந்தெடுப்பார்.
சூரியன்
காத்திருப்பான் அந்நேரம்
கீழ்வானில் தலைநீட்ட .

பின்னொருகாலம்

கண்விழித்து முகம் கழுவ
தெருப்படலை முணுமுணுக்கும்
பாற்காரன் மணியொலியில்.
பாற்சட்டி கழுவி வைத்து
அடுப்படியில் காத்திருப்பாள்
என் அம்மா.

இன்று

உடல் வளைத்து இவளெழுந்து
ப்ரிட்ஸ் திறக்க
குளிலுறைந்த
பால் பைக்கறின்
ஐஸ் உருகும்.
சுடுவெயில் மேல்தழுவ
என் குறட்டை
ஊரெழுப்ப சங்கூதும்
அந்நேரம் .

எம்.கே.முருகானந்தன்.

0.0.0.0.0.0.0.0

Advertisements

வான்மதியல்ல வீட்டினுள்.. மனத்தினுள்..

தரநிலை

இருளினில் ஒளி கொடுப்பது

தெருவிளக்கும் வான் மதியும்

மட்டுமல்ல

விளக்குகளும்

அலங்கார மின் விளக்குகளும்தான்.

ஹோட்டேல் விளக்கு

மனதிற்கு ஒளிகொடுப்பது

பூசையும் புனஸ்காரமுமல்ல

வெளிவேசமும்

பாசாங்கு வார்த்தைகளுமல்ல.

மாசற்ற மனத்துடன்

மன்னுயிர் நேசம் மட்டுமே.

ஆண்டிது பிறக்கிறது 2012.

தரநிலை

2012 உதயம்

மார்கழித் திங்கள்
மதியொளி அடங்கி
காரிருள் மூழ்கி
புவியினை சூழ்வதைத் தடுக்க
ஆழியில் மிதந்து
அடிவானில் எழுந்து
நம் ஊரினில் மிதந்தான்
ஆதவன்
அன்றொரு நாள்.

வாழ்வினில் துன்பங்கள் அகலும்
நாளிது என்ற நம்பிக்கை ஊட்டும்
ஆண்டிது பிறக்கிறது 2012.

அனைவருக்கும் இனிய புத்தாண்டு
வாழ்த்துக்கள்

0.0.0.0.0
எம்.கே.முருகானந்தன்