Monthly Archives: பிப்ரவரி 2013

அடுப்படிக்குள் அம்மிக் கல்லு

தரநிலை

அடுப்படிக்குள் அம்மிக் கல்லு
அதன் மேலே அழுக்குத் துணி
அருகேயொரு எண்ணெய் தாச்சி
அதை மூடும் கறை படிந்த
அலுமினிய மூடி.

இவெயல்லாம் இன்றெங்கே?

அம்மியும் ஆட்டுக் கல்லும்
பெயரே தெரியாது
மறைந்துவிட்ட காலம் இது.
இடுப்பொடிய சமைத்தெடுக்கும்
பொழுதெல்லாம் சாயந்துவிட்டது.

Kitchen னேயில்லாமல்
கச்சிதமாய் கடைச் சாப்பாடு
காசு கொடுத்தால்
ஹோம் டெலிவரி
எண்ணெய் பொரியல் தளதளக்க

வேலையற்று இருதயமும்
நின்றுவிட யோசிக்கிறது.

எம்.கே.முருகானந்தன்.

00.00.00.00

Advertisements

கரும்பலகை

தரநிலை

ஆ எழுது ஆ எழுது என வாத்தியார் உங்களைப் பிடித்து கரும்பலகையில் எழுதவிட்டதுண்டா?

நாங்கள் படித்த காலத்தில் பாடசாலைகளில் கரும்பலகைகள்தான் உபயோகிக்கப்பட்டன.

எழுதுவதற்கும் கீறுவதற்குமான வெளியாக அதுவே வகுப்பறையில் ஆசிரியருக்கும் எங்களுக்கும் பயன்பட்டது. முன்நாட்களில் பாடசாலைகளில் கரும்பலகை உபயோகிக்கப்பட்டது.

எழுதுவதற்கும் கீறுவதற்குமான வெளியாக அதுவே வகுப்பறையில் ஆசிரியருக்குப் பயன்பட்டது.

SDC14096-001

பல தசாப்தங்களுக்கு முன்னர் அவை ஸ்லேட்டினால் செய்யப்பட்டன.

ஸ்லேட் பொதுவாக நிறம் கருப்பு இருந்ததால் கரும்பலகை என்ற பெயர் வந்தது.

பின்னர் பலகையில் செய்து கறுப்பு வரண்ம் பூசினர்.

சுண்ணக்கட்டியால் கரும்பலகைகளில் எழுதினார்கள்.

பருத்தி துணியிலான அழிப்பான்களால் (டஸ்டரால்) சுத்தம் செய்யப்பட்டன.

சுண்ணக்கட்டியின் தூசியால் ஒவ்வாமை ஏற்படுகிறது.

இப்போது கரும்பலகைக்குப் பதிலாக வெள்ளை போர்டு வந்துவிட்டது.

மார்க்கர்கள் கொண்டு எழுதுகின்றனர்.

0.0.0.0.0

வீடு நனைகிறது ஓநாய்கள் மலர்கின்றன

தரநிலை

நிலவு எறியும்
தண்ணொளியில்
தோய்கிறது வீடு.
சுவரில் படர்ந்த
ஊத்தைகளை
போர்வையிட்டு
ஒழிக்க முயன்று
இயலாமையில்
துஞ்சியது
மங்கிய மதியின் ஒளி.

DSC01502-002

தன்னுள்ளே
ஊற்றெடுத்து
நிரம்பி வழியும்
அழுக்குப் பாசாங்குகளை
வன்மம் மீதுறும்
ஓநாய்கள்
புன்னகைக்கும் முகமூடிகளால்.
போர்த்திப் போலியாய்
மலர்கின்றன.
நாவினிக்கும் பேச்சுகளால்
சுவையூட்டி
கவிழ்த்து ஒழிக்கக்
காத்திருக்கினறன.

DSC09882-001

போலிகளால்
தம்மெண்ணம் போல்
என்றென்றும்
கோலோச்ச முடிவதில்லை.
அழிவுகளை மறைத்து
மாயவுலகை
படைத்தலும் ஆவதில்லை
முயல்கின்றன. முயலட்டும்.

மதி ஒழிந்த
வானமாய்க் கறுக்கும்
அம் மூஞ்சிகளில்
வீழ்ச்சி உமிழப்படும்.
இது புரியாத ஆரவாரங்கள்
அடங்கும் அப்போது.

எம்.கே.முருகானந்தன்.

0.0.0.0.0.0