வாடிய வாழையாக ….

Standard

மடிந்து சரிந்து

மரத்திருந்து முறிந்து தொங்கி

காற்றின் திசை வழியே

சேர்ந்து அசையும்

வாடிய இலைகளின் அனுக்கம்

செவிப்பறைகளைத் தழுவவில்லையா?

கருகி உலர்ந்து

தரையில் சிதைந்து

விரைந்து மட்கி

மண்ணோடு மண்ணாகி

உருவிழந்து பெயரழிந்து

அழிந்து போவேனா?

உதவிக்கான கோரல்

ஏங்கி அணையும்

இறுதி மூச்சில்

மெளனிக்கின்றன.

SDC13850-002

கோயில் மடங்களிலும்

அந்தகார விடுதிகளிலும்

கெடுநெடி முடக்கும்

கொல்லைத் தாழ்வாரங்கிலும்

ஒடுங்கிக் கிடக்கும்

முதியோர் ஏக்க மூச்சுகளுடன்

இலைகளின் மரண மூச்சுடன்

கலந்து அடங்குகிறது.

எம்.கே.முருகானந்தன்

பின்னூட்டங்கள் மூடப்பட்டுள்ளது.