Monthly Archives: ஒக்ரோபர் 2013

நாய் உண்ணாத நாயுண்ணி

தரநிலை

நஞ்சென்று விலக்கினாலும்
தீயிட்டுக் கருக்கினாலும்
களையாகப் பரவும்
இது தெருவோரத்தில்
கண்ட நாயுண்ணி

SDC14520 Lantana camara-001

நாய் உண்ணும்
பழம் அல்ல
நாய் உண்ணி போல
கருப்பாக
அசிங்கமாக இருப்பதால்
நாயுண்ணி ஆயிற்று

SDC14524-001

நஞ்சென்று சொல்கிறார்கள்
ஈரலைச் சிதைத்திடுமாம்
இதை உண்ணும் கால்நடைகள்
நோயில் கிடக்குமாம்
‘இதன் பழம் சுவையானது’
விளையாட்டுப் பருவத்தில்
உண்டோம்’
நஞ்சை வென்ற
நண்பர்கள் பலர்
சொன்னார்கள முகப் புத்தகத்தில்.

SDC14520 Lantana camara-001

தெருவோர நாயுண்ணி
பச்சைக் கம்பளத்தில்
காப்பி சிந்தி
களங்கம் உற்றதாய்
நோயுற்ற போதும்
ஒதுங்கி வெதும்பிடாமல்
வண்ணங்களில்
சிரித்தெம்மை
மகிழ்விக்கிறது.

எம்.கே.முருகானந்தன்

0.00.0.00.0

கழிவகற்றல்

தரநிலை

பொழுது புலரும் நேரமிது
மந்த மாருதும் வீசும்
புள்ளினங்கள் இசை பாடும்
நறுமணம் வீசும் பூக்கள்
என்றெல்லாம்
எண்ண வேண்டாம்

SDC14632-001

கால் பதிக்க ஒண்ணாது
கழிவுகள் வீடுகளிலிருந்து
வீதியோரம் ஒதுங்கிக் கிடக்கும்
கிளர்ந்தெழும் வெடுக்கு
தெரு கடந்து வீடணைந்து
குளர்பதன அறைகளிலும்
நுளைந்து விளையாடும்

SDC14636-002
கொண்டாட்டம் காகங்களுக்கு
பெரு விருந்துகள்
வீதியெங்கும் பரந்து கிடக்கும்
கழிவகற்றும் தொழிலாளர்
தொழில் மறந்தால்
நாளெல்லாம் நகர் நாறும்

DSC01093-001

எம் வீதி எம் நகரம்
என்றிவற்றை
பதனமாய்ப் பேணிடும் மனது
எம்மெவர்க்கு
வரும் நாளெதுவோ?

DSC04676-001

எம்.கே.முருகானந்தன்.