Monthly Archives: திசெம்பர் 2013

பேதைக் கொக்கல்ல ….

தரநிலை

பளபளக்கும்
வாழைத் தண்டெனப்
தொடை பரப்பி
வழவழக்கும் நீர் சுரந்து
புணர் சுகம் தேடி
மதி மயங்கிக்
காத்திருக்கும்
பேதைக் கொக்கல்ல நான்

SDC14807-002

அடங்கி முடங்கி
அடுப்படியே சிறையென
சிறகொடிந்த பறவையாக
ஓய்ந்து கிடந்து
பெயரிலியாக
அழிந்து மறைந்திட மாட்டேன்

SDC14805-001

மதி தீட்டி
கணனி தட்டி
கூர்விழி குவித்து
சுயபாதை விரித்து
நிமிர்ந்து நடை பயின்று
விண்ணுலகும் அளந்து
புதுயுகம் காண்பேன்
பாரதியின் புதுமைப் பெண்ணென.

SDC14806-001

எம்.கே.முருகானந்தன்

0.0.0.0.0