Monthly Archives: ஏப்ரல் 2014

ஓவென ஒப்பாரியாக மேலெழும் ஓசை…

பதிவின் வடிவம்

காதில் விழுகிறதா அந்த ஓசை?
ஓவென ஒப்பாரியாக
மேலெழுந்து
வீணையின் நாதமாக
கசிந்துருக்கும்.
காற்றினில் ஜனித்த பாடல்
நெஞ்சுருக்கும் கீதமாக….


காற்றின் திசையோடு
இசைந்தாடும் லாகவம்
பெண்ணங்கின் நளின
நடையழகை எள்ளலுடன்
நாணவைக்கும்.

SDC14971-001

அடிவேரில் அலை தழுவ
உவர் நீரைச் சுவைத்துறிஞ்சி
நடனமாடும் பூவுலகத் தேவதைகள்
தம் சிரசில் பரிமாறும் இளங் கனிகள்
கதிரெரிக்கும் வேளைதனில்
வெக்கை தணிக்கும்.

Photo1130-001

இது போதாது
இன்னும் இன்னும்
வேணும் குளிர்மையென
பேராசை பிடித்து
பாளைசீவி வடித்தெடுத்து
மிதமருந்தும் பானம்
அம்மணமாய் அவர் ஈனம்
பறைசாற்றும் ஊரெங்கும்
அவர் மனைவி ஊர்தெருவில்
தலைகாட்ட வழியின்றி
பின்சாரில் ஒழிந்திருப்பாள்.

SDC14140-003

குடலெரியும்
கரைந்தழுகும் அவர் ஈரல்
பெரு வயிற்றில் நீர் சுரக்கும்
பொத்தையாகக் கால் வீங்கும்
படுக்கைப் பாயிலும்
கிடக்கவொண்ணாது
மேல்கீழாய மூச்செறியும்
அவர் வாழ்வு
அவ்வளவுதான்
பாடைக்கு மரம் தறிக்கும்
வேளையாயிடும்.

Cellulitis 9-001

இப்போதும் கேட்கிறதா?
காது கொடுத்துக் கேள்
மூட மனிதா….
ஓலையசைத்துக்
ஏக்கமுடன் எழுப்பும்
குரலோசை
ஓவென ஒப்பாரியாக……!!!

எம்.கே.முருகானந்தன்

…………….

Advertisements

பருத்தி நகரின் …

பதிவின் வடிவம்

கடல் வாணிபமும்
ஓடக்கரை அப்பமும்
தட்டைவடையும்
நல்லெண்ணையும்
பிரசித்தம்
பருத்தி நகரின் பெயரிலே

DSC05897-001
புதிய சந்தை எழுந்து
நிற்கிறது நகர் மத்தியிலே
கம்பீரமாக

DSC05900-001
மங்கி மயங்கி
சோர்ந்து நிற்கும்
இந்தத் தோற்றம்
ஓய்வில் கழிந்த
ஞாயிறு மாலை ஆதலில்

DSC03939-001

நிர்மாண வேலை நடைபெற்ற போது கட்டடத் தோற்றம்.

DSC03938-001

ஞாயிறு மாலையில் மூடிக் கிடக்கும் வங்கி

DSC05899-001

எம்.கே.முருகானந்தன்

0.00.0