Monthly Archives: ஜூலை 2014

ஜிப்பிற்குள்லால் எட்டிப் பார்ப்பது

தரநிலை

ஜிப்பிற்குள்லால் எட்டிப் பார்ப்பது
எப்போதும் அசிங்கமானதல்ல
உடலொளிந்து கண்ணிற் படாது
மறைந்திருப்பது
சுடுகலமல்ல
எனது ஒரே ஒரு
ஆயுதம்

8675083846_38f529c60d_z
காது கொடுத்துக் கேட்டு
சிறு அரவுமும்
பிரித்தறிந்து
நோய் கணித்து
பிணி தீர்க்க
கை கொடுக்கும்
ஸ்டெத்தெஸ்கோப் தான்
அங்கே!

 எம்.கே.முருகானந்தன்

0.00.0

கருவலை மிதந்து வந்து வாழ்வினைப் பிச்சை பெற்றார்

தரநிலை

ஆதவனும் மங்கிப் போவான்

சுடர்மிகு வானும் கறுத்துப் போகும்.

இடர்நிறை வாழ்வு தன்னை

நிகரிலாப் பொறுமையோடு

நாளெலாம் நாரி வளைய

நசுங்கிடும்

இவள் வாழ்வு கண்டு.

பொழுதெலாம் நுகர்ந்த பின்னே

போதையில் தோயும் கயவன்

பதறிடத் தவிக்க விட்டு

பல்லக்கில் பயணமாவான்.

நாளெலாம் மேடையேறும்

பொல்லாக்கு காணும் வேளை

சூரியனும் நாணம் கொள்வான்.

20140515_074524-002

போரிடப் புறப்படு பெண்ணே

உன் விழிகளை வில்லாய் வளைத்து

வீசிடு ஆழத் தைக்க.

பெண்ணெனும் பேதையெனத்

தயங்கி நீ மருள வேண்டா

பூமியில் பிறந்தோரெல்லாம்

உந்தன் கருவலை

மிதந்து வந்து

வாழ்வினைப் பிச்சை பெற்றார்.

இங்கினி உன்னை மேவும்

திடம் யாருக்கு அவனியில் உண்டு.

20140515_075509-001

எம்.கே.முருகானந்தன்.

0.0.0.0.0

வான்வழி வேர்கள்

தரநிலை

சடை என வேர் பரப்பி
குடை என விரிந்தகன்று
வளியினில் நீர் பருகி
காற்றினில் இரை தேடும்
வான்வழி வேர்கள் இவை.

20140716_152611_Richtone(HDR)-001

விழுது என்றும் பெயர் கொள்ளும்
கிளையினில் பிறந்து தூண் என முறுகி
தரையினில் காலூன்றும் போது.
அவரோகம், சாகாசிவை
எனவும் அழைப்பாரோ?

இலை முளைச்சான்
சதை கரைச்சான் எனும்
கற்றாழை இனத் தாவரம் இது

 0.0.0