Monthly Archives: ஏப்ரல் 2015

வெத்திலை போட்ட பத்தினிப் பெண்ணும் மைந்தனும்

தரநிலை

வெத்திலை போட்ட பத்தினிப் பெண்ணு
சுத்தி வந்தாள் தெரு நீளம்
சப்பிய சாறு வடிந்தது
வாயோரம்
மிஞ்சிய எச்சிலை
காரெனத் துப்பியெறிந்தாள்
தெருவோரம்
பச்சிலை போர்த்திய செடிகள்
தோய்ந்தன செங்குருதியில்
நித்தமும் நடந்தது இது
தொடர்கதையாக.

SDC14340

சென்றது காலம்
மாதங்கள் வருடங்களாக
வெத்திலை போட்ட
செவ்விதழ் வாயில் அரும்பின
வெண் புண்கள்
மெது மெதுவாக
அவிஞ்சது வாய்
வருத்தியது நா
தொண்டையில் வலியும்ஆனது
மெல்லவும் முடியாது
தின்னவும் திணறல்
அழுந்தினாள்
வெத்திலைப் பெண்ணு

20140405_090923-001

பசுமைத் தளிர்கள் குளிர்மை வீசின
தெருவோரம்
செழித்தன செடிகள் மதர்த்தன கிளைகள்
நலமாக
மாசுகள் அகன்று சுகந்தம் வீசியது
பாதையோரம்
எச்சில் விலகிய களிப்பில் கானமிசைத்தது
முழுத் தேசம்.

SDC14582-001

ஆனால்
பறைகள் முழங்கின பாடை நகர்ந்தது
மரண ஊர்வலமாக
புற்று நோயில் இற்ற மாதாவின்
மைந்தன் சிந்திய கண்ணீர்
நனைத்தும்
நூர மறுத்துக்
மற்றொரு நாளுக்காய் காத்திருக்கிறது
அவன் வீசிய
தகிக்கும் சிகரெட் துண்டு
அவன் பாடையில் தீ மூட்ட

எம்.கே.முருகானந்தன்

0.0.0.0

Advertisements

மீளவும் தவழுதல் விதிக்கப்பட்டதாயிற்று.

தரநிலை

DSC07562-002

பாதச் சுவடுகளால்
தேய்ந்த தரை
தூசியின் இருளில்
ஒளிந்து கிடந்தது
காலச் சக்கரங்களின்
எல்லையில்
புதிய சுவடுகள் பதிந்த வேளை
வாழ்வின் எச்சமானவையும்
மனவோடை நிலவுகளும்
கோடைத் துளிர் மழையெனத்
தழுவிச் சென்றன

14494720560_81894cc266_z
பனிப் பாறை வெடிப்புகளாய்
உருகும் நினைவுச் சுரங்கங்களில்
மூழ்கிச் சிலிர்த்தும்
நிஜ உலகில்
மீளவும் தவழுதல்
விதிக்கப்பட்டதாயிற்று.

DSC07566-001

எம்.கே.முருகானந்தன்

0.00.0

கிள்ளை மொழி கிளிகளும் கொள்ளை மாந்தரும்

தரநிலை

16852283868_d21f6fd4d4_z

 

கொஞ்சிக் கொஞ்சி
கிள்ளை மொழி பேசும்
வெள்ளைக் கிளிகள்
கள்ளமில்லா ஒலியில்
கதை அளக்கும்
கருணையில்லா
மாந்தர் சிறை வைப்பார்.

கள்ளம் செய்த மாந்தர்
சிறை வாசம் தவிர்க்க
இழந்த முடி நாடி
புனைவுகள் பெருக்கி
பாதம் நோக அடியளப்பர்.

எம்.கே.முருகானந்தன்