Monthly Archives: ஜூலை 2017

கொக்கைத் தடி (කෙක්ක:)

தரநிலை

கொக்கைத் தடி (කෙක්ක:)

எல்லாமும் எல்லோரும் தான் காலத்திற்கு ஏற்ப கோலம் மாறுகின்றன(ர்)

இவர் மட்டும் மாறமாட்டாரா?

அந்த நாளில் நாங்கள் மாங்காய் பிடுங்கவும் ஆட்டிற்டு குழை முறிக்கவும் முருங்கைக்காய் பறிக்கவும் கொக்கைத்தடியை பயன்படுத்துவோம்.

இன்றும் தான் பயன் படுத்துகிறோம். ஆனால் இன்று கொக்கைத்தடியார் நவீன் மோஸ்தரில் இருக்கிறார்.

நீண்ட நேரான நேர்த்தியான பூவரசம் தடியாகத் தேர்ந்தெடுத்து அதன் நுனியில் ஒரு சிறிய தடியை சாய்வாகக் கட்டினால் நல்ல கொளுவியாக அமையும்.

கொக்கைத்தடி தயாராகிவிடும்.

பூவரசம் தடிக்குப் பதிலாக கிளிசரியா தடியானால் பாரம் குறைவாக இருக்கும்.

கொளுவியாகவும் அதே நேரம் வெட்டவும் வேண்டுமானால் தடிக்குப் பதிலாக சத்தகக் கத்தியை கட்டுவோம்.

இன்று வேலிகளுக்கு பதிலாக மதில்கள் முளைத்து வருவதால் நீண்ட தடிகள் கிடைப்பது அரிதாகி வருகிறது.

இதன் காரணமாக தடிகளின் இடத்தை எஸ்லோன் பைப்புகள் பிடிக்கின்றன.

கொளுக்கி தடிகளுக்கு பதிலாக சிறிய இரும்பு கம்பிகளை பயன்படுத்துகிறார்கள்.

மரங்களும் மரங்களில் காய் கனிகளும் இருக்கும் வரை கொக்கைத் தடியின் தேவை இருக்கத்தானே செய்யும்.

கொக்கைத்தடி சிங்களதில் கொக்கா என்பார்கள். தமிழகத்தில் தொரட்டுக் கம்பு என்றழைப்பார்களாம்

ஆங்கிலத்தில் என்ன பெயர் சொல்லுங்களேன்.

நாறும் நாடு

தரநிலை

கொழும்பு நாறித்தான் கிடக்கின்றது
கேவல அரசியல் அழுக்கு நாடகங்களால் மட்டுமல்ல 

ஒழுங்காக அகற்றப்படாத குப்பை களாலும் தான்.

நேற்று இரவு W.A.Silva மாவத்தையில் உள்ள ஒரு தொடர் மாடிக் கட்டிடத்தின் முன் போக வேண்டிய தேவை ஏற்பட்டது.

வாந்தி வருமாற் போலிருந்தது. 

அக் கட்டத்தில்  இருந்து அகற்றப்படாத கழிவுகளால் ஏற்பட்ட நாற்றம் தான் காரணம்.

சுகாதார கேடுகள் பற்றி பட்டியல் போட்டு அடங்காது.

குப்பையை  அகற்ற முறையான கூட்டு முயற்சி எடுக்க முடியாத அரசினால், அரசியல் தீர்வு பற்றி நினைக்கவும் முடியுமா?

இருந்தாலும் குப்பை அகற்றுவது தொடர்பாக நம்பிக்கை கீற்று தெரிந்தது. 

இன்று காலை கண்ட காட்சி இது. 

பாகுபடுத்தி பிரித்து சேகரிக்கப்பட்ட கழிவுகளை அகற்றிக் கொண்டு இருந்தார்கள். 

மீள் சுழற்சி செய்யப்படக் கூடிய பிளாஸ்டிக் பொருட்களையும் கண்ணாடி பொருட்களை தனியாகவும், கடதாசி காப்போட் மட்டைகளை வேறாகவும் , ஏனையவற்றை தனியாகவும் அகற்றிக் கொண்டிருந்தார்கள்.

மக்களும் தங்கள் பொறுப்பை உணர்ந்து அவற்றை தனியாக பிரித்து அகற்றியதால் தானே இது சாத்தியமானது.

மக்கள் தங்கள் பொறுப்பை உணர்ந்தது போல, அரசியல்வாதிகளும் தங்கள் பொறுப்பு களை உணர்ந்து செயல்படுவார்களா?

தேன் உண்ணும் வண்டு

தரநிலை

தேன் உண்ணும் வண்டு
செம் மலரைக் கண்டு
சிறகு மடித்திறங்கியது கண்டு
கண் விழித்தது
கைபேசிக் கமரா…
சிற்றெறும்பாரும்
பார்த்திருந்தார்.