Monthly Archives: ஓகஸ்ட் 2019

ஆடிகாற்றுக்கு அம்மியும் பறக்கும்

பதிவின் வடிவம்
அம்மன் கோயில்
கொடியேறியதும்
அறைந்து வீசும் சோழகம்
திருவாய் மலர்ந்தது
அல்வாய்ப் பெண்மணி
கிணற்றில் நீரும் வற்றும்
மேலதிக தகவலும்
அவளது
மாவிலை கொட்டும்
அள்ளி மாளாது
பாளைகள் விமானமாய் பறக்கும்
பயிர்கள் தீயும்
வீட்டுப் பெண்களின் ஓலம்.
புழுதி மழையில்
பொன்னாடை சூடித் திணறும்
பூமி.
வாழை முறிந்து நிலத்தில் தவள
முற்றாத காய்களும்
வெம்பிப் பழுத்தது
என் வீட்டுச் சோகம்.
‘ஆடிகாற்றுக்கு அம்மியும்
பறக்குமாம்’
சும்மாவா சொன்னார்கள்.
எம்.கே.முருகானந்தன்
0.00.0
Advertisements

அதிசுதந்திர ஜீவிகள்..

பதிவின் வடிவம்

அதிசுதந்திர ஜீவிகள்..
38802853_10161012766160268_4085387593628254208_n
மந்த மாருதம் வீசும்
அந்தி மாலை நேரம்
தெரு விளக்குகள் மெல்லென
உயிர்த்தெழும் கோலம்

பூம் பூம் ஒலியெழுப்பி
இரு சில்லு வாகனங்கள்
உறுமிப் பறந்தோட
பறவைகள் போலவே
கூடு சேர்ந்து குலவி மகிழ்ந்திட
பறந்தோடும் மாந்தர்கள்.

புட்டியும் கையுமாக
புளித்த கள்ளின்
ஏப்பம் ஒலிக்க
அடுத்த போத்தலை
கையிலெடுக்கும்
பெருங் குடியர்கள்..

பொக்கற்றில் சில்லறையும் இன்றி
பயணிப்பதற்கு ரயிலுமின்றி
புகையிரத ஊழியரின்
தன்னல வேலை ஒறுப்பில்
வீடு செல்ல நாதியற்று
வீதியில் உறங்க வேண்டிய கதியில்
சீசன் டிக்கற் தொழிலாளர்கள்.

இம்மென்றால் ஸ்டிரைக்
அம்மென்றாலும ஸ்டிரைக்
மக்கள் பணத்தை உறிஞ்சி
மக்களுக்கே ஆப்பு வைக்கும்
அதி சுதந்திர ஜீவிகள்.

எம்.கே.முருகானந்தன்

0.00.0