Category Archives: அந்தூரியம்

விலக்கப்பட்டவன் என்றெண்ணாதீர்…..

தரநிலை

SDC13851

வீசி எறிந்து
விலக்கப்பட்டவன்
என்றெண்ணாதீர்.
சாதித்திமிர் பிடித்து அலையாதீர்
இல்லாதானை சொல்லாலும் இழிக்காதீர்
மேவி மிதித்து துவைக்க முனையாதீர்
சாவுக்கடலில் மூழ்கடிக்க நினைக்காதீர்
தூணிலும் துரும்பிலும்
தெருவோரத் துளி மண்ணிலும்
கட்டாந் தரையிலும்
கழித்தொழித்ததெனத் தீர்த்தபோதிலும்
துளிர்த்தெழும் திட மன  உயிர்கள்.

10220672464_9def690b07

எம்.கே.முருகானந்தன்

வெள்ளை அந்தூரியமும் மட்டச் சிந்னைகளும்…

தரநிலை

கட்டற்ற கனவுகள் காணாதீர்கள்

மட்டச் சிந்னையில் மூழ்காதீர்

கெட்ட நினைவுகளில் சிந்தாதீர்கள்

புத்தி கெட்டவனெனத்

திட்டாதீர்.

flamingo flower என்றும்

boy flower எனவும்

சூட்சுமாய் பெயரிட்டார்

ஆங்கிலத்தில்.

இருதயம்போல் பாளை (spathe)

இதமான வெண்நிறத்தில்.

இளம் சிகப்பில்  நிமிர்தெழும்

மடல் மஞ்சரியும் (spadix)

இதன் அழகு

பனந் தடுக்காய் பரந்திடும்

பச்சை இலை

அடிமடியில் விரிந்திருக்கும்

வெள்ளை அந்தூரியம்

பூஞ்செடியாம்.

வெட்டவெளியில் மட்டுமின்றி

நிழல் பரவும் வளவுகளிலும்

உள்வீட்டின் தரைகளிலும்

சட்டிகளிலும் சிரமின்றி

செழித்தோங்கும் செடி.

கடும் வெயில் கூடாது

சுட்டுப் பொசிங்கிவிடும்

சுருங்கிக் கருகிடுவார்

ஜன்னலருகு ஒளிபோதும்

இவர் மலர்ந்து வாழ.

மண்ணடி வரண்டிடாமல்

சீதளமாய்  பேணிட

அடிக்கடி நீரூற்றுங்கள்

தேங்கி நின்றால் அழுகிவிடும்

வேரடியில் மட்டையிட்டால் (தேங்காய்)

நீர் வழிந்தோடும்

ஈரலிப்பு நலமாகும்.

எம்.கே.முருகானந்தன்