Category Archives: கருகும் முதுமைகள்

சிதையில் தீ மூள சுடுகாலில் பறப்பர்

தரநிலை

மாடி வீட்டின் பல்கணி ஓரம்
காற்றும் ஒளியும்
தேடிக் களைத்து
நீரும் உரமும் யாசித்து
சோர்ந்த உலர்ந்தது
செடி.

உதிர்ந்த இலையும்
பூவும் சருகாகும்
அவையே
உதவும் உரமாக
மீளும் வாழ்வு
மறுபோது.

DSC04569-001

பெற்றவை பணம் தேடி
பிறதேசம் அலையும்
போசித்த கரங்கள்
போசனையின்றித்
பிறந்த மண்ணில் துவளும்
தம் கையே நம்பும்
தனிக்குகை வாழ்வு
முடியாதபோது
சோர்ந்து கருகும்
முதுமைகள்
ஏராளம்.

DSC04571-001

பிணத்திற்கு பூச்சூட்டி
சிதை மூட்ட
மணி முள்ளைப் பார்த்திங்கு
பறந்தோடி வருவர்
சிதையில் தீ மூள
மறு பிளேன்பிடிக்கப்
சுடுகாலில் பறப்பர்.

எம்.கே.முருகானந்தன்

0..0.0

Advertisements