Category Archives: முதுமை

உக்கிய இலையும் வாழ்வும் ………..

பதிவின் வடிவம்

“பனி மலையின் கதச் சூடு
இள வேனில் தேன் மழை
சுடு வடையின் கரகரப்பு
பெரு மழையில்
நனைந்துழலும் சுகம்
இவையனைத்தும்
உன் அணைப்பில்
கிட்டும் என்றிருந்தேன்.

DSC04333-001

சதை கரைக்கும்
கசநோயில்
உருக்குலைந்து
அனல் தின்று
உமிழ்ந்தெறிந்த
நெஞ்சாங் கூடாக
மனம் தீய
வீழ்ந்து கிடக்கிறேன்.”

DSC04338-001

உடல் கரைந்து
நரம்பு மீந்த இலை
சொல்கிறது.

DSC04334-001

உதிர நீரின்றி
வரண்டிருக்கிறது
உக்கிய தாத்தாவின்
கண்கள் .

எம்.கே.முருகானந்தன்

0.0.00.0.0

Advertisements

வாடிய வாழையாக ….

பதிவின் வடிவம்

மடிந்து சரிந்து

மரத்திருந்து முறிந்து தொங்கி

காற்றின் திசை வழியே

சேர்ந்து அசையும்

வாடிய இலைகளின் அனுக்கம்

செவிப்பறைகளைத் தழுவவில்லையா?

கருகி உலர்ந்து

தரையில் சிதைந்து

விரைந்து மட்கி

மண்ணோடு மண்ணாகி

உருவிழந்து பெயரழிந்து

அழிந்து போவேனா?

உதவிக்கான கோரல்

ஏங்கி அணையும்

இறுதி மூச்சில்

மெளனிக்கின்றன.

SDC13850-002

கோயில் மடங்களிலும்

அந்தகார விடுதிகளிலும்

கெடுநெடி முடக்கும்

கொல்லைத் தாழ்வாரங்கிலும்

ஒடுங்கிக் கிடக்கும்

முதியோர் ஏக்க மூச்சுகளுடன்

இலைகளின் மரண மூச்சுடன்

கலந்து அடங்குகிறது.

எம்.கே.முருகானந்தன்