Category Archives: புகைப்படங்கள்

மொட்டை அடிக்கப் பட்ட ஒற்றை மரம்

பதிவின் வடிவம்

மொட்டை அடிக்கப் பட்ட
ஒற்றை மரம்
தன்னந்தனியனாக
நிமிர்ந்து நிற்கிறது

2018-01-11_06-10-35.jpg

செழித்து கிடப்பவனை
வெட்டி சிதைப்பது
குரூர மனங்களின்
கோணல் புத்தி.

வெட்டிச் சாய்த்தாலும்
புத்தம் புதிய துளிர்களுடன்
மீண்டும் செழிக்கும்
நிழல் தரும்
குழையும் கொடுக்கும்
குருவிகளும் குருவீச்சையம்
உண்டு களிக்கும் .

மொட்டை அடிக்கப் பட்ட
ஒற்றை மரம்
தன்னந்தனியனாக
நிமிர்ந்து நிற்கிறது
சாய்ந்து விடவில்லை
சாவும் நெருங்காது
தன்னை ஒறுத்து
சுற்றத்தை ஓம்புபவர்க்கு

எம்.கே.முருகானந்தன்

Advertisements

முன்னேசுவரம் ஆலயக் கல்வெட்டு

பதிவின் வடிவம்

முன்னேசுவரம் ஆலயக் கல்வெட்டு

புத்தளம் பகுதியில் உள்ள முன்னேசுவரம் ஆலயமானது மிகவும் பழமை வாய்ந்தது.
dsc08972
இலங்கையின் ஐம்பெரும் ஈஸ்வராலயங்களில் இதுவும் ஒன்று.

dsc08974

கோட்டை ராசதானி காலத்தில் மிகவும் பிரபல்லயமானதாக அறியப்படுகிறது.

இன்றும் மக்கள் ஆர்வத்தோடு அங்கு வழிபாடு செய்கிறார்கள்

பராக்கிரமபாகு முதலான பல மன்னர்கள் ஆதரித்து நன்கொடைகளும் அளித்துள்ளார்கள்.

dsc08986
இவை பற்றிய தகவல்கள் கல்லெட்டு சாசனங்களாகக் கிடைக்கின்றன.

கருவறையைச் சுற்றியுள்ள சுவரின் தென்பகுதியில் இக்கல்வெட்டுச் சாசனம் இருக்கிறது. தமிழில்.

இந்தக் கல்வெட்டில் இராமன் இவ்வாயத்தை வழிபட்டது பற்றியும் விஜயன் வணங்கியது பற்றியும் குறிப்பட்டப்பட்டதுடன் மன்னன் குள்ககோட்டுவனால் இந்த ஆலயத்திற்கு கொடுக்கபட்ட தாங்கள் பற்றியும் சொல்வதாக படித்தேன். உண்மை பொய் தெரியவில்லை. விடயம் அறிந்தவர்கள் தெளிவுபடுத்தலாம்

64 நாயன்மாருக்கும் விழா எடுக்கும் பெருமை கொண்டது முன்னீஸ்வரம் ஆலயம் ஒன்றுதான் எனச் சொல்லப்படுகிறது.

0.0.0

கொக்கைத் தடி (කෙක්ක:)

பதிவின் வடிவம்

கொக்கைத் தடி (කෙක්ක:)

எல்லாமும் எல்லோரும் தான் காலத்திற்கு ஏற்ப கோலம் மாறுகின்றன(ர்)

இவர் மட்டும் மாறமாட்டாரா?

அந்த நாளில் நாங்கள் மாங்காய் பிடுங்கவும் ஆட்டிற்டு குழை முறிக்கவும் முருங்கைக்காய் பறிக்கவும் கொக்கைத்தடியை பயன்படுத்துவோம்.

இன்றும் தான் பயன் படுத்துகிறோம். ஆனால் இன்று கொக்கைத்தடியார் நவீன் மோஸ்தரில் இருக்கிறார்.

நீண்ட நேரான நேர்த்தியான பூவரசம் தடியாகத் தேர்ந்தெடுத்து அதன் நுனியில் ஒரு சிறிய தடியை சாய்வாகக் கட்டினால் நல்ல கொளுவியாக அமையும்.

கொக்கைத்தடி தயாராகிவிடும்.

பூவரசம் தடிக்குப் பதிலாக கிளிசரியா தடியானால் பாரம் குறைவாக இருக்கும்.

கொளுவியாகவும் அதே நேரம் வெட்டவும் வேண்டுமானால் தடிக்குப் பதிலாக சத்தகக் கத்தியை கட்டுவோம்.

இன்று வேலிகளுக்கு பதிலாக மதில்கள் முளைத்து வருவதால் நீண்ட தடிகள் கிடைப்பது அரிதாகி வருகிறது.

இதன் காரணமாக தடிகளின் இடத்தை எஸ்லோன் பைப்புகள் பிடிக்கின்றன.

கொளுக்கி தடிகளுக்கு பதிலாக சிறிய இரும்பு கம்பிகளை பயன்படுத்துகிறார்கள்.

மரங்களும் மரங்களில் காய் கனிகளும் இருக்கும் வரை கொக்கைத் தடியின் தேவை இருக்கத்தானே செய்யும்.

கொக்கைத்தடி சிங்களதில் கொக்கா என்பார்கள். தமிழகத்தில் தொரட்டுக் கம்பு என்றழைப்பார்களாம்

ஆங்கிலத்தில் என்ன பெயர் சொல்லுங்களேன்.

மயிர்கொட்டியும் அரிப்புணர்வு மாந்தரும்

பதிவின் வடிவம்

மசுக்குட்டி மயிர்கொட்டி
கம்பளிப் பூச்சி
கற்றபிலர்(Caterpillar)
என்ன பெயர் சொன்னாலும்
சும்மா விடப் போவதில்லை.

20151231_142834

அரிக்கும் கடிக்கும்
ஆசை தீரச் சொறிந்தால்
சிவக்கும் தடிக்கும்
சருமம் புண்ணாகும்

பட்டால் மட்டுமின்றி
கண்ணில் தென் பட்டால் கூட
அரிப்பெடுக்கும்
சிலருக்கு.

20151231_142709

தன்னைக் காப்பாற்ற
தன்னுயிர் பேண
அரிப்பெடுக்கும் முடிகளை
கவசமெனக் கொண்டது
மயிர் கொட்டி

 

20151231_142830

அரிப்புணர்வு கொண்ட
நரிக்குண மாந்தரோ
தம்வழிக்கிசையா
நற்குண மாந்தரை
வசைமொழி பேசியும்
பொறி கிடங்கமைத்து ம்
அழித்தொழிக்க முனையும்
வஞ்சகப் பூச்சிகள்.

எம்.கே.முருகானந்தன்

0.00.0

காலமானார், காரணம் புரியவில்லை

பதிவின் வடிவம்

தரையில் கிடந்தவரை
பாடையில் கிடத்தினேன்
காலமாயிருந்தார்
காரணம் புரியவில்லை

14907164_10157759797530268_944012724125861820_n

கணக்கின்றி மதுவருந்தி
கருகியதோ ஈரல்
புகைத்துப் புகைத்து
சுவாசப்பை பறிபோனதோ
வாய் சிவக்க
சொதப்பிய தாம்பூலம்
புற்றெனப் பற்றியதோ

தறுதலைப் பாலுறவில்
தகர்ந்து கேடயம்
எய்ட்ஸ் எனச் சிதைத்ததுவோ
கொறித்த துரித உணவுகள்
கொலஸ்ரோலெனப் படிந்து
மாரடைப்பை வரவேற்றதோ

எதுவானாலும் எமக்கென்ன ?
ஆழ்ந்த இரங்கல்கள் போட்டு விட்டு
அடுத்த வேலையை
பார்க்க வேண்டியதுதானே!!

எம்.கே.முருகானந்தன்

0.00.0

குடையென இவள் …

பதிவின் வடிவம்

கொடியிடை
மலையென முலை
முடிமிகு தலையொடு
மங்கையிவள்
கொடு வெயில் தகிக்கும்
யாழ் மண்ணில்
குடையென தஞ்சமளிக்கும்
ஜாம் மரம்

எம்.கே.முருகானந்தன்

கொல்லப்பட்ட மாந்தரும் தப்பிய நாய்களும்

பதிவின் வடிவம்

12799407_10156599624205268_5316999257291295311_n

தெருவோரம் இவர் போல
பலருண்டு
பசி தீர்க்க
கிடைத்திடுமா ஏதேனும்
அலைந்திடுவார்
தினந்தோறும்
நகர் நீளம்.

பசி மிகுந்து உருவேற
மதி கலங்கும
தினெவெடுக்கும்
கடித்துதறிப்
பதம் பார்க்க.

அசண்டையாய்
அலைவோரின்
கால்கள் இரையாகும்.
பாவம்!
கடியுண்டோர் பாடு.

கடியுண்ட வேதனையுடன்
விசர் நாய்க் கடி
தடுப்பூசி ஆறும்
ஏற்புத் தடை ஊசியும்
வலி பெருக்கும்
போனசாக.

விசர் நாய்கள் போல
சக ஜீவிகளை
கொன்றவர்கள்
இது சகசம்
போரில் என்றார்கள்

இருந்தாலும்
உயிர் பறிக்கும்
தெரு நாய்களை கொல்வது பாபம்
கபடத் தடைப் செய்த
காருண்யப் புதுமை
இந்த நாட்டில் மட்டும்தான்.

செவிடன் காதில் ஊதிய
சங்காயிற்று
மதங்கள் போதித்த
கொல்லாமை

எம்.கே.முருகானந்தன்