Category Archives: மசுக்குட்டி. கம்பளிப் பூச்சி

மயிர்கொட்டியும் அரிப்புணர்வு மாந்தரும்

தரநிலை

மசுக்குட்டி மயிர்கொட்டி
கம்பளிப் பூச்சி
கற்றபிலர்(Caterpillar)
என்ன பெயர் சொன்னாலும்
சும்மா விடப் போவதில்லை.

20151231_142834

அரிக்கும் கடிக்கும்
ஆசை தீரச் சொறிந்தால்
சிவக்கும் தடிக்கும்
சருமம் புண்ணாகும்

பட்டால் மட்டுமின்றி
கண்ணில் தென் பட்டால் கூட
அரிப்பெடுக்கும்
சிலருக்கு.

20151231_142709

தன்னைக் காப்பாற்ற
தன்னுயிர் பேண
அரிப்பெடுக்கும் முடிகளை
கவசமெனக் கொண்டது
மயிர் கொட்டி

 

20151231_142830

அரிப்புணர்வு கொண்ட
நரிக்குண மாந்தரோ
தம்வழிக்கிசையா
நற்குண மாந்தரை
வசைமொழி பேசியும்
பொறி கிடங்கமைத்து ம்
அழித்தொழிக்க முனையும்
வஞ்சகப் பூச்சிகள்.

எம்.கே.முருகானந்தன்

0.00.0