Category Archives: மீன் தொட்டி

சுதந்திரக் கடலும் சொகுசான வீடும்

தரநிலை

அழகாகத் தானிருக்கிறேனாம்
வண்ணக் கலர் தொட்டி
குமிழ் குமிழாய்
காற்றுக் குமிழ்கள்
கூம்புபோல வாய் திறக்க
வேளா வேளைக்கு
வயிறாறச் சாப்பாடு
பார்த்து இரசிக்க கூட்டம்

DSC05131-002

கடல் நீரில் சுதந்திர நீச்சல்
ஒளிந்து விளையாட
பாறைகள் கடற் தாவரங்கள்
விட்டுத் துரத்தி வேட்டையாடி
ஜந்துகளைத் தின்னும்
ஆனந்தம்

DSC05129-001

இவையெல்லாம் கிடைக்குமா
இங்கு
தூவப்படும் குறுணல்களாய்
சுவையற்ற சாப்பாடு
கண் மூட விடாத
மின்னொளி வீச்சு

DSC05128-001

எல்லாம் கிடக்கும்தான்
ஆனால் இழந்தவை ஏராளம்
தோழர்களுடன் கூடி நீந்தியதும்
செல்லமாய் சண்டை இட்டதும்
ஆமைகளையும் விலாங்குகளையும்
சீண்டிக் களித்ததும்
இழந்தோம் வாழ்வை

DSC05150-001

சொகுசான வீடு
வசதிகளுக்கு குறைவில்லை
வயிறாற சாப்பிடலாம்தான்
ஆனால் இழந்த
சுதந்திரத்திற்கு
ஈடாகுமா இவை

எம்.கே.முருகானந்தன்

Advertisements