Category Archives: புகைப்படம்

ஆடிகாற்றுக்கு அம்மியும் பறக்கும்

பதிவின் வடிவம்
அம்மன் கோயில்
கொடியேறியதும்
அறைந்து வீசும் சோழகம்
திருவாய் மலர்ந்தது
அல்வாய்ப் பெண்மணி
கிணற்றில் நீரும் வற்றும்
மேலதிக தகவலும்
அவளது
மாவிலை கொட்டும்
அள்ளி மாளாது
பாளைகள் விமானமாய் பறக்கும்
பயிர்கள் தீயும்
வீட்டுப் பெண்களின் ஓலம்.
புழுதி மழையில்
பொன்னாடை சூடித் திணறும்
பூமி.
வாழை முறிந்து நிலத்தில் தவள
முற்றாத காய்களும்
வெம்பிப் பழுத்தது
என் வீட்டுச் சோகம்.
‘ஆடிகாற்றுக்கு அம்மியும்
பறக்குமாம்’
சும்மாவா சொன்னார்கள்.
எம்.கே.முருகானந்தன்
0.00.0
Advertisements

தலை சாய்க்க இடமொன்று

பதிவின் வடிவம்

தலை சாய்க்க
இடமொன்று தேடியலைவது
என்றென்றும் முடியாத
தொடர் கதை.

20180826_153322

தாயின் வயிற்றிலிருந்து
உந்தி வந்ததுமே
அவள் மடியில் தலைசாய்க்க
உந்தும் மனம்

போரின் வெந்தணலில்
வீடிழந்து ஊர் துறந்து
உற்றார் உறுவுகளும் அறுந்தொழிய
நாடும் இழந்து
தலை சாய்க்க
இடமொன்று தேடியலைந்தது
நம்மினத்தின்
துயர் சரிதம்

ஆசிரியரின் அறுவை தாங்காது
தலை சாயும்
மேசையில்
வாத்தியின் பிரம்பு
பதம் பார்க்கும் வரை

காதலியின் தோளில்
மறைவாகத் தலை சாய்த்தல்
சொர்க்கத்தில் சிறகு விரிய வைக்கும்

பிணிப் படுக்கையில்
முதுமைத் தலை சாய்த்தல்
விம்மி அழ வைக்கும்
தாங்க முடியா நரகம்

உற்றார் உறவினர் கதறியழ
பாடையில் தலை சாய்த்தல்
வாழ்வில் இனியொரு போதும்
பலிக்க முடியாத
இறுதி ஆனந்தம்.

எம். கே.முருகானந்தன்

(தலை சாய்க்க இடமொன்று தேடும் சருகின் புகைப்படம் யாழ் பொது நூலகத்தில்)

வீதி சுத்திகரிப்பாளன்

பதிவின் வடிவம்

கோபப்படுகிறான்
வீதி சுத்திகரிப்பாளன்

15037063_10157811715965268_6359385471291799087_n

வீட்டுக் கழிவுகளை
வீசுகிறாய் வீதியோரம்
நாற்றம் நாசை அடைக்க
கழிவுகளில் பெருகும்
கிருமிகள்
பரப்பும் நோய்களை
கால்நடைகள் மாளும்
பொலித்தீன் அடைத்து.

சுத்திகரிக்கும் எமக்கோ
ஊழியம் சொற்பம்
வசதிகளும் இல்லை
சுகாதாரமாக தொழில் செய்ய
ஏசுகிறாய் ஒருமையில்
கெளரவம் அறவே கிடையாது.

கோபப்படுகிறான்
வீதி சுத்திகரிப்பாளன்
நாறும் நகரம்
அவன் தொழில் மறுத்தால்.

எம்.கே.முருகானந்தன்

0.00.0

சிதைந்த படகும் அரும்பும் காதலும்

பதிவின் வடிவம்

சொல்ல எதுவுமில்லை

பார்த்துணர நிறையவே உண்டு.

நினைவுகள் கிளர்ந்து விட்டால்

பரவசம் சொல்லியடங்காது.

கொக்கைத் தடி (කෙක්ක:)

பதிவின் வடிவம்

கொக்கைத் தடி (කෙක්ක:)

எல்லாமும் எல்லோரும் தான் காலத்திற்கு ஏற்ப கோலம் மாறுகின்றன(ர்)

இவர் மட்டும் மாறமாட்டாரா?

அந்த நாளில் நாங்கள் மாங்காய் பிடுங்கவும் ஆட்டிற்டு குழை முறிக்கவும் முருங்கைக்காய் பறிக்கவும் கொக்கைத்தடியை பயன்படுத்துவோம்.

இன்றும் தான் பயன் படுத்துகிறோம். ஆனால் இன்று கொக்கைத்தடியார் நவீன் மோஸ்தரில் இருக்கிறார்.

நீண்ட நேரான நேர்த்தியான பூவரசம் தடியாகத் தேர்ந்தெடுத்து அதன் நுனியில் ஒரு சிறிய தடியை சாய்வாகக் கட்டினால் நல்ல கொளுவியாக அமையும்.

கொக்கைத்தடி தயாராகிவிடும்.

பூவரசம் தடிக்குப் பதிலாக கிளிசரியா தடியானால் பாரம் குறைவாக இருக்கும்.

கொளுவியாகவும் அதே நேரம் வெட்டவும் வேண்டுமானால் தடிக்குப் பதிலாக சத்தகக் கத்தியை கட்டுவோம்.

இன்று வேலிகளுக்கு பதிலாக மதில்கள் முளைத்து வருவதால் நீண்ட தடிகள் கிடைப்பது அரிதாகி வருகிறது.

இதன் காரணமாக தடிகளின் இடத்தை எஸ்லோன் பைப்புகள் பிடிக்கின்றன.

கொளுக்கி தடிகளுக்கு பதிலாக சிறிய இரும்பு கம்பிகளை பயன்படுத்துகிறார்கள்.

மரங்களும் மரங்களில் காய் கனிகளும் இருக்கும் வரை கொக்கைத் தடியின் தேவை இருக்கத்தானே செய்யும்.

கொக்கைத்தடி சிங்களதில் கொக்கா என்பார்கள். தமிழகத்தில் தொரட்டுக் கம்பு என்றழைப்பார்களாம்

ஆங்கிலத்தில் என்ன பெயர் சொல்லுங்களேன்.

ஆடிக் கூழ்

பதிவின் வடிவம்

ஆடிப் பிறப்புடன்
காலை விடிந்தது
ஆனந்தம் ஆனந்தம்
தோழர்களே

11700874_10155823433020268_1113226814005808088_n

ஆடிக் கூழ் இடை
தேங்காய் சொட்டுகளும்
பயறு மணிகளும்
நொறுக்கிடுவது
அச்சச்சோ
அத்தனை சுவை
சொல்லி அடங்குவதில்லை

ஆடிக் கூழுடன்
நாளைப் புலர்ந்திடச்
செய்த திருமதி ஜெயராசா
அவர்களுக்கு
நன்றிகள்

“ஆடிப் பிறப்பிற்கு
நாளை விடுதலை ”
சோமசுந்தரப் புலவரின்
பாடலைப் பாடி
ஓடித் திரிந்த காலங்களின்
நினைவுகளுடன்
பருத்தித்துறையில்
பாரம்பரிய வாழ்வு
இனிக்கிறது.

0.00.0

வெத்திலை போட்ட பத்தினிப் பெண்ணும் மைந்தனும்

பதிவின் வடிவம்

வெத்திலை போட்ட பத்தினிப் பெண்ணு
சுத்தி வந்தாள் தெரு நீளம்
சப்பிய சாறு வடிந்தது
வாயோரம்
மிஞ்சிய எச்சிலை
காரெனத் துப்பியெறிந்தாள்
தெருவோரம்
பச்சிலை போர்த்திய செடிகள்
தோய்ந்தன செங்குருதியில்
நித்தமும் நடந்தது இது
தொடர்கதையாக.

SDC14340

சென்றது காலம்
மாதங்கள் வருடங்களாக
வெத்திலை போட்ட
செவ்விதழ் வாயில் அரும்பின
வெண் புண்கள்
மெது மெதுவாக
அவிஞ்சது வாய்
வருத்தியது நா
தொண்டையில் வலியும்ஆனது
மெல்லவும் முடியாது
தின்னவும் திணறல்
அழுந்தினாள்
வெத்திலைப் பெண்ணு

20140405_090923-001

பசுமைத் தளிர்கள் குளிர்மை வீசின
தெருவோரம்
செழித்தன செடிகள் மதர்த்தன கிளைகள்
நலமாக
மாசுகள் அகன்று சுகந்தம் வீசியது
பாதையோரம்
எச்சில் விலகிய களிப்பில் கானமிசைத்தது
முழுத் தேசம்.

SDC14582-001

ஆனால்
பறைகள் முழங்கின பாடை நகர்ந்தது
மரண ஊர்வலமாக
புற்று நோயில் இற்ற மாதாவின்
மைந்தன் சிந்திய கண்ணீர்
நனைத்தும்
நூர மறுத்துக்
மற்றொரு நாளுக்காய் காத்திருக்கிறது
அவன் வீசிய
தகிக்கும் சிகரெட் துண்டு
அவன் பாடையில் தீ மூட்ட

எம்.கே.முருகானந்தன்

0.0.0.0