Category Archives: கழிந்தன

கழிந்தன

பதிவின் வடிவம்

கழிந்தன நாட்கள்

வீசியெறிந்த கூழ் முட்டைகளாக

கசங்கிய கடதாசி தாள்களாகவும்.. ..

மட்டை போட்டு மூடி

பத்திரமாக பாதுகாத்தவையும் இருக்கிறது தான்.

இறக்கை கட்டி பறந்த

வானமே எல்லையென சுகித்த பொழுதுகளும்

இல்லாமல் இல்லை.

புதிய நாள் பிறக்கிறது

புது வருடமென நாமம் சூட்டி

கசப்பதும் கண்ணீர் மல்க வைப்பதும்

நாவூற சுவைப்பதும் மகிழ்வதும்

விதியின் கையில் இல்லை

இறைவன் எனப் பெயர் சூட்டப்பட்டவனும்

அருள் பொழிய மாட்டான்.

ஆவதும் அழிவதும்

சிரிப்பதும் அழுவதும் எம் கையில்

மட்டும் தான்

இனிய புத்தாண்டு ஆகட்டும்

உங்கள் முயற்சியில்

வாழ்த்துகள்

எம். கே.முருகானந்தன்

Advertisements