சற்றே ஒளிவதற்கு இடந் தருவாயா காதல் பேச?

தரநிலை

கரையோடும் இரயில்
ஒரு பக்கம்

அலை வீசும் கடல்
மறுபக்கம்

காலாற நடைபோடும்
மாந்தர்
உவர் மணல் மீது

20141106_170940-001

தரையெங்கும்
பசுமை போர்த்தும்
கொடியிடை அடம்பன்

தனிமைக்கு இடமேது ?

தஞ்சம் தருவாயா
தென்னங் கன்றே !!
சற்றே ஒளிந்து
காதல் பேச.

எம்.கே.முருகானந்தன்

நாங்கள் எறும்புகள் ஊர்வலம் போகிறோம்

தரநிலை

நாங்கள் எறும்புகள்
ஊர்வலம் போகிறோம்
ஒருவர் பின் ஒருவராக
தீயதை ஒழிக்க
தீயவனை அழிக்க …

வணக்கத்திற்குரிய
அர்ச்சனை செடியும்
நோய் தீர்க்கும் மூலிகையுமான
துளசிச் செடியில்
பீடையாய் பற்றிய
பங்கஸ் நோயினை அழிக்க.

பெரும் திரளாக குவிந்து
ஊர்வலம் போகிறோம்
தீயதை ஒழிக்க
தீயவனை அழிக்க.

எம்கே.முருகானந்தன்

0.00.0

கசக்கவும் பிழியவும் மனம் வந்ததோ …..

தரநிலை

சாப்பிட்டுத்தான் பழக்கம்
எல்லோருக்கும்
இளம் தளிர்
பசுமை
முளைக் கீரையை.

20141101_081728-001

மெது மெது பிஞ்சு இலைகள்
அமோக சுவைதான்.

இளம் தளிர் செடிகளை
பிடிங்கிச்
சட்டியிலிட்டு
சமைக்காமல் இருந்தால்
பூக்கவும் காய்க்கவும்
விதை சொரியவும் செய்யும்

இருந்திருந்தாலும்
தம் திருப்தி தவிர
குஞ்சுச் செடிகளில்
யாருக்குமே அக்கறையில்லை
விவசாயியைத் தவிர

கீரைகள் மட்டும் என்றில்லை
பிஞ்சுக் குழந்தைகளை
கசக்கிப் பிழிந்து
இன்பம் காணும்
அரக்க மன
மனிதர்களும் உண்டு

தளிர்களை சுயமாக
வளரவிடுங்கள்

எம்.கே.முருகானந்தன்

0.0.0

கொல்லப்பட்ட மாந்தரும் தப்பிய நாய்களும்

தரநிலை

12799407_10156599624205268_5316999257291295311_n

தெருவோரம் இவர் போல
பலருண்டு
பசி தீர்க்க
கிடைத்திடுமா ஏதேனும்
அலைந்திடுவார்
தினந்தோறும்
நகர் நீளம்.

பசி மிகுந்து உருவேற
மதி கலங்கும
தினெவெடுக்கும்
கடித்துதறிப்
பதம் பார்க்க.

அசண்டையாய்
அலைவோரின்
கால்கள் இரையாகும்.
பாவம்!
கடியுண்டோர் பாடு.

கடியுண்ட வேதனையுடன்
விசர் நாய்க் கடி
தடுப்பூசி ஆறும்
ஏற்புத் தடை ஊசியும்
வலி பெருக்கும்
போனசாக.

விசர் நாய்கள் போல
சக ஜீவிகளை
கொன்றவர்கள்
இது சகசம்
போரில் என்றார்கள்

இருந்தாலும்
உயிர் பறிக்கும்
தெரு நாய்களை கொல்வது பாபம்
கபடத் தடைப் செய்த
காருண்யப் புதுமை
இந்த நாட்டில் மட்டும்தான்.

செவிடன் காதில் ஊதிய
சங்காயிற்று
மதங்கள் போதித்த
கொல்லாமை

எம்.கே.முருகானந்தன்

இயக்கம்

தரநிலை

வெம்பிக் கிடந்த
வானம்
நீலப் பட்டாடை சூடியது
வெண் மாலைகள்
போர்த்தின
மஞ்சுகள்

23130612471_f36a8e7d28_z

முழுகித் தோய்ந்த
இலைகள்
ஒட்டிக் கிடந்த
நீர்த் துவளைகளை
ஓங்கி வீசும்
வாடையில்
சிலிர்த்து உதறின.
தயங்கி எழுந்த
ஆதவக் கதிர்களில்
உலரப் போட்டன
விருட்சங்கள்

23048600371_d186287a14_z

போர்வையில்
முடஙகிக் கிடந்த
மாந்தர்கள்
சோர்வு நீங்கி
சுறுசுறுப்பாய் இயங்க
முனைந்தனர்.

20058799033_d2b4e894ec_z

கொட்டிய மழை
அடங்கிய
விடியலில்.

18374836589_a1b8aab30d_z

எம்.கே.முருகானந்தன்

0.0.0

ஆடிக் கூழ்

தரநிலை

ஆடிப் பிறப்புடன்
காலை விடிந்தது
ஆனந்தம் ஆனந்தம்
தோழர்களே

11700874_10155823433020268_1113226814005808088_n

ஆடிக் கூழ் இடை
தேங்காய் சொட்டுகளும்
பயறு மணிகளும்
நொறுக்கிடுவது
அச்சச்சோ
அத்தனை சுவை
சொல்லி அடங்குவதில்லை

ஆடிக் கூழுடன்
நாளைப் புலர்ந்திடச்
செய்த திருமதி ஜெயராசா
அவர்களுக்கு
நன்றிகள்

“ஆடிப் பிறப்பிற்கு
நாளை விடுதலை ”
சோமசுந்தரப் புலவரின்
பாடலைப் பாடி
ஓடித் திரிந்த காலங்களின்
நினைவுகளுடன்
பருத்தித்துறையில்
பாரம்பரிய வாழ்வு
இனிக்கிறது.

0.00.0

பார்வை புதிது பயணம் தெளிவு

தரநிலை

பார்வை புதிது
பயணம் தெளிவு

18760213458_79c099b359_o-001

 

கசந்த காட்சிகள்
நீசக் கதிர் வீச்சுகள்
மூப்புடன் மோதவும்
ஆடையெனப் படர்ந்து
மழுங்கடித்தன
வீச்சு எல்லையை
நீண்ட பயணத்தில்

மங்கியது பார்லை
விஞ்சியது ஞானம்
அஞ்சி விலகியது மந்தம்
குறு மணித் துளிகளில்
நன்றிகள்
மிருணா மருத்துவருக்கு

எம்.கே.முருகானந்தன்