Tag Archives: கவிதை

காலமானார், காரணம் புரியவில்லை

தரநிலை

தரையில் கிடந்தவரை
பாடையில் கிடத்தினேன்
காலமாயிருந்தார்
காரணம் புரியவில்லை

14907164_10157759797530268_944012724125861820_n

கணக்கின்றி மதுவருந்தி
கருகியதோ ஈரல்
புகைத்துப் புகைத்து
சுவாசப்பை பறிபோனதோ
வாய் சிவக்க
சொதப்பிய தாம்பூலம்
புற்றெனப் பற்றியதோ

தறுதலைப் பாலுறவில்
தகர்ந்து கேடயம்
எய்ட்ஸ் எனச் சிதைத்ததுவோ
கொறித்த துரித உணவுகள்
கொலஸ்ரோலெனப் படிந்து
மாரடைப்பை வரவேற்றதோ

எதுவானாலும் எமக்கென்ன ?
ஆழ்ந்த இரங்கல்கள் போட்டு விட்டு
அடுத்த வேலையை
பார்க்க வேண்டியதுதானே!!

எம்.கே.முருகானந்தன்

0.00.0

Advertisements

சற்றே ஒளிவதற்கு இடந் தருவாயா காதல் பேச?

தரநிலை

கரையோடும் இரயில்
ஒரு பக்கம்

அலை வீசும் கடல்
மறுபக்கம்

காலாற நடைபோடும்
மாந்தர்
உவர் மணல் மீது

20141106_170940-001

தரையெங்கும்
பசுமை போர்த்தும்
கொடியிடை அடம்பன்

தனிமைக்கு இடமேது ?

தஞ்சம் தருவாயா
தென்னங் கன்றே !!
சற்றே ஒளிந்து
காதல் பேச.

எம்.கே.முருகானந்தன்

கசக்கவும் பிழியவும் மனம் வந்ததோ …..

தரநிலை

சாப்பிட்டுத்தான் பழக்கம்
எல்லோருக்கும்
இளம் தளிர்
பசுமை
முளைக் கீரையை.

20141101_081728-001

மெது மெது பிஞ்சு இலைகள்
அமோக சுவைதான்.

இளம் தளிர் செடிகளை
பிடிங்கிச்
சட்டியிலிட்டு
சமைக்காமல் இருந்தால்
பூக்கவும் காய்க்கவும்
விதை சொரியவும் செய்யும்

இருந்திருந்தாலும்
தம் திருப்தி தவிர
குஞ்சுச் செடிகளில்
யாருக்குமே அக்கறையில்லை
விவசாயியைத் தவிர

கீரைகள் மட்டும் என்றில்லை
பிஞ்சுக் குழந்தைகளை
கசக்கிப் பிழிந்து
இன்பம் காணும்
அரக்க மன
மனிதர்களும் உண்டு

தளிர்களை சுயமாக
வளரவிடுங்கள்

எம்.கே.முருகானந்தன்

0.0.0

கொல்லப்பட்ட மாந்தரும் தப்பிய நாய்களும்

தரநிலை

12799407_10156599624205268_5316999257291295311_n

தெருவோரம் இவர் போல
பலருண்டு
பசி தீர்க்க
கிடைத்திடுமா ஏதேனும்
அலைந்திடுவார்
தினந்தோறும்
நகர் நீளம்.

பசி மிகுந்து உருவேற
மதி கலங்கும
தினெவெடுக்கும்
கடித்துதறிப்
பதம் பார்க்க.

அசண்டையாய்
அலைவோரின்
கால்கள் இரையாகும்.
பாவம்!
கடியுண்டோர் பாடு.

கடியுண்ட வேதனையுடன்
விசர் நாய்க் கடி
தடுப்பூசி ஆறும்
ஏற்புத் தடை ஊசியும்
வலி பெருக்கும்
போனசாக.

விசர் நாய்கள் போல
சக ஜீவிகளை
கொன்றவர்கள்
இது சகசம்
போரில் என்றார்கள்

இருந்தாலும்
உயிர் பறிக்கும்
தெரு நாய்களை கொல்வது பாபம்
கபடத் தடைப் செய்த
காருண்யப் புதுமை
இந்த நாட்டில் மட்டும்தான்.

செவிடன் காதில் ஊதிய
சங்காயிற்று
மதங்கள் போதித்த
கொல்லாமை

எம்.கே.முருகானந்தன்

வெளுத்த முடியும் மறைவும் பிறப்பும்

தரநிலை

DSC09414-001பழுத்த இலைகள் உதிர்ந்து வீழும்
அரும்பும் தளிர்கள் வீறு கொள்ளும்
உதிர்ந்து மறையும் பூவிதழ்கள்
தலையை நிமிர்த்தி வானம் நோக்கும்
மொட்டுக்கள்
வரண்ட வயல்கள் நியமமில்லை
பசுமை போர்த்தும் மழையில் தோய்ந்து
குயில்கள் கூவும் காலை வேளை
ஒலிகள் மங்கும் ஆதவன் சாய
நலிந்த உடலின் கனவுகள் சிதையும்
வெளுத்த முடிகள் அந்தி சுட்டும்
சிதைந்து மறைதல் உயிரின் நியதி

18323056059_202b46d781_o-001
வேதனை உண்டு
பிறப்பிலும்
களிப்புகள் அதனை மீறும்
வேதனையுண்டு இறப்பில்
இல்லாதும் ஒழியலாம்
இருப்பினும்
கவலை மட்டும் சூழ்வதேன்
மரணம் நினைந்து

சுழற்சித் தத்துவம்
தெளிந்து கொண்டால்
சூழும் இன்பம்
நித்தியமாக.

20150602_181232_Richtone(HDR)-001

எம்.கே.முருகானந்தன்

0.00.0

வளர்கிறேன்; வழி விடுங்கள் அப்பா

தரநிலை

வளர்கிறேன் அப்பா
நான்
தினம் தினம்
உடலால் மட்டுமல்ல!!
உருவம் உள்ளம் அறிவு
எல்லாமேதான்
மாற்றமுறுகின்றன

DSC08764-001
உணர்வுகளும் ஆசைகளும்
தேவைகளும் கூடத்தான்
புரிந்துகொள்ளுங்கள்
என்னை
உங்கள் சாயல் இருக்கpறதுதான்
ஆனால்
உங்கள் புகைப்படம்
போலல்லவே

DSC08763-001

புத்தம் புதிய
நறுமணச் செடியாக
வளர விடுங்கள்
நான் நானாக
தனித்துவமாக!!

வழி விடுங்கள் அப்பா

எம்.கே.முருகானந்தன்

அற்ப ஆயுசுப் பாக்கியவான்

தரநிலை

தமது பாலியல் இச்சையை
தீர்க்க முடியாத
ஆண் ஈக்கள்
அற்பாயுசில் இறக்கின்றன
ஆய்வுச் செய்தி இது

16706888678_4a5bf21f9c_z

இச்சைகளைத் தீர்க்க
குஞ்சு குமருகளையும்
மஞ்சத்தில் கிடத்தும்
வஞ்சகர்களுக்கு
கிட்டாதோ
அற்ப ஆயுசு

எம்.கே.முருகானந்தன்

0..0..0